De redactie van de Dorpskrant heeft enkele reacties gekregen over de slechte leesbaarheid door het lettertype waarin het gedicht op de voorpagina is afgedrukt. Daarom het gedicht nu ook op Belfeld.nu

’t Kiendje kump

D’m bóek zoë rônk
En och zoë zjwaor
De veut zien diek van ’t sjtaon
’t Meuderke löp op ’t lets
Nag efkes maar te gaon

De maon zoë rônk
Sjient door de buim
Ein sjter die sjteit te sjtraole
’t Is zoë wiéd, ‘t kiendje kump
In ‘ne sjtal gebaore

’t Is gezônk!
Ein dieke traon
Op ’t meuderke zien wange
Van groët gelök, ze is zoë bliej
Mier ken me neet verlange

De wengskes rônk
Ein kleur zoë raos
’t Haet zelfs hiel get häorkes
Maar ’t guëf beej dit niej kiendje
Gaar gen sôkkerkäorkes

Waal werme melk
Van einen aezel
Dae eur heej haer haet gebrach
Nörges in hotel of herberg
Waas plaats in deze nach

’n Ingelke zông
Ein leed zoë fijn
Herders sjlepe op ’t veld
Det gans wit waas van de sjnië
Sjäopkes ware geteld

Truus Verbong-Simons