Wat hebbe De Belhamels gedreid tiedes de vastelaovend. Wat ein sjoeën fieës waas det wir! De thema-aovend i.s.m. de Hermenie waas ouch ein groeët sjpektakel. Wat wilse ouch mèt zoeëvuuel hoeëghede oet dees jubilerende vereiniging. De groeëtste fieësaovend sjteit veur de deur! Zaoterdig 23 november is ‘t zoeë wiet. De fieësband KHICK, DJ Get a Job en DJ Otto Wunderbar gaon d’r veur zörge det gans Belvend nog eine kieër doordreit tiedes ‘t jubileumjaor van De Belhamels. Vuraafgaond aan de fieësaovend is d’r vanaaf 19.00 oor ’n jubileumresepsie. Kumps se ouch? Den zeen weej ós!