Nieuws

Beejname

4 juni 2023

Ich stam nog oët dae tied det vuul beejname ciculeerde. Gen sjeldname, maar beejname. As se beveurbeeld vroogs “Kens se dae van Hunnekes?”, den woort t’r al gauw beej gezag “oh, dae van de Hon”. Het kwaam auch door het feit det in ein kleine gemeinsjap vuul femilies woende met dezelfde achternamen; Jansen (van naad), Theike (Derks), en daorum ter verdudelikking de naam van de stamaadste der beej woort genumd. Auch ongerwiezers en kroegbazen waare vindingriek um emes eine beejnaam te gaeve. Auch plekke wao men woënde in het dörp woorte dök ter verduudelijking van de naam gebroekt; Kerkberg, De Singel, Geloë, Brook, Schorf, Malbeck, Dörp, de Baolenberg, Sjuttekamp, de Hoof, niej Dörp. Beejname die mich now te binne sjeete en soms auch now nog gebroëk waere, sjrief ich heej op. Der zulle der zeker nog mier zien, dus vul mer aan.

’t ketje	de Jiets	die van coon	knechje	sjansemaeker
appele Mien	de Joëd	die van de Sjorf	Knoes	sjrôt Neel
bagges Betje	de Kaoleboer	die van pietje	kromme Hein	Spekkie
Bliericks Pietje	de Koak	die van Theike	Lei van Sjaek	Spinnetje
blömke	de Kopere	Diedekediet	Mangemaeker	Stierke
boe Jacob	de Körs	Driek	Mierske	Superke
bölke	de Kriemer	Druuk	Mina van de Anker	tant van Spee
Bommegrieper	de Lings	Fikkie	moores Mien	Tiellemenke
botterhamme Mientje	de Möp	gebroeders Bever	Moselinie	tieske de moës
Breetse Han	de Möts	Hammetje	Möske	Toos van de Sjilder
Cep	de Naas	Hannes van de Berg	mösse Graet	triensje
de Beukskes	de Sjlumme	Hempelke	paaf door	Tuunke
de bies	de Sjnieder	hoepse Nel	Pannemans	tuute Willem
de Bolt	de Sjoester	kaak An	passe Frits	van de Pannesjop
de Buts	de Sjuum	kaole Wiel,	Petren	van de Pas
de Did	de Tummerman	Karels boer	piep Lena	van Naad
de Dieke	de Vink	Kattesjlechter	pijpje drop	van Peetje
de Duustere	de witte van Katrien	Kerkepeek	puine Wielie	van Ties
de Haammaeker	de Woep	Kierke	Puk en Muk	Wiel van Hannes
de heksele boer	de Zoëre	kladder Gerrit	Sint Jozef	zoëp Neer
de Hon	den Hollenger

Al die ich now genumd heb, heb ich allemaol nog gekend of ken ich nog.

Uche sjlechter

Beheerder Belfeld.nu

4 juni 2023