Nieuws

Middaag aete

2 maart 2023

Vanaf vandaag hebbe we weer een nieuwe rubriek. Sjlechter Jos Hoezen heeft zijn “Verhäölkes verteld door sjlegter Jos Hoezen” aan de redactie te beschikking gesteld. Het zijn korte verhalen over de het dagelijkse leven in Belfeld uit de tijd dat Jos nog ein jungske waor. Leuk om te lezen en voor de oudere lezers zeer herkenbaar.

Vandaag trappen we af met een verhaal over het middag eten. Veel plezier!

Middaag aete

Twelf oor, wie eine hazewink nao hoes. De jas vluug op de kapsjtok en sjuuf snel ich aan op mien plek aan taofel. Neet lunche, maar gewoën middag aete wao ôs mam de ganse morge aan gewerkt haet. Auch pap sjuuft aan, en det haelt in det begôs ken waere. Maar iers “De Engele Des Heere” baeje. Eine baejt veur en de res baejt nao. De taofel is gedek. Idder eine telder met laepel, mets en versjet. We beginne met snadsele soep, det is soep getrokke van vaerkesknökskes en dao hiel vuul greunte in. Den, in dezelfde telder, ut werm aete. De kaetels met braodwors met saus, petatte en roëd moos waere op toafel gezatte.

 Engelen Des Heeren 20230302  Jos Hoezen Wie ich nog ein jungske waor

 


Vers roëd moos gesneeje met zo’n kromp moosmets. Dow mos ’n stök moos veur de boëk haaije en dao met det kromp mets naeve op snieje. Den, wir in dezelfde telder, kump de yoghurt. Oët zo’n groëte glaze fles met breije nek, gesjlaote met ’n blauw zilverpapeerke. Um det draaf te kriege mosde midde in det papeerke duje, ut leet den los van de rank. De soeplaepel waas auch toetjeslaepel. Soms kreege we ranja of grenadine in de yoghurt. Den deej se de telder extra good oëtjsjerre en soms (ut meugde waal neet) woor dae aafgelek. Zoë, het middaagaete waas nao binne gewerkt en idder ging verder met zien taak. Weej moste altied met de aafwas helpe. Mam aafwasse, eine aafdruuge, en eine alles truuk zette op de gooj plaats in de kas.