header1
Belfeld-18.jpg
Op initiatief van de Dörpsraod Belvend is d'r eine werkgroep samegesjteld dae geit bekieke op welke meneer ein book ken waere gemak euver 't Belvens dialect. In welke vorm 't book zal waere oetgegaeve en wannieër, mót door de werkgroep nag waere óngerzóch. De werkgroep besjteit oet: Piet Simons, Luc Schroembges, Har Schreurs, Ria v.d. Beucken, Yvonne v.d. Velden, Jo Peeters, Twan Ernst, Jan Coopmans en Michel Metten. Um de oetgave zoe compleet meugelik te make, is de werkgroep op zeuk nao typische Belvense wäörd en oetdrökkinge. Heej veur vraoge weej de metwerking van de inwoeëners van Belvend. Kent geej ein waord of oetdrökking die vruger algemein gebroek woorte en die nów neet of bienao neet mieër gebroek waere, gaef dit den astebleef door aan de werkgroep. Det ken hiel mekkelik door ein mail te sjteure nao Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. In dae mail doot geej 't waord of de oetdrökking vermelde en de beteikenis heej van. Geej meug natuurlik in 't plat sjrieve, maar det heuf neet. De werkgroep zörg angers waal veur de vertaling. Moch geej hölp nuuedig hebbe beej 't opsjrieve of 't doorgaeve, den kent geej altied contact opnimme via 't reeds geneumde e-mailadres.

Evenementen