Belfeld-13.jpg
kasteleinAs ’t saoves get later woort, waas ein vergunning nuuedig. Die mós veur de raam gehange waere. 't Kwaam waal ens veur det d’r gen mieër ware. Den hadse pech. Net wie dae kieër det beej ós ein broelof waas. Toen pap zoog det hae gen vergunning mieër in hoés had, belde hae de pliesie op. Hae lag oet wat 't probleem waas. Maar dae pliesie waas hiel dudelik, zien antwaord waas ‘nae’ en bleef nae. Maar, zag hae dao toen beej, ‘Weltruste, ich gaon nao bèd!’ Daags d’r op kwaam hae efkes langs öm te vraoge of weej ein sjoeën fieës gehad hadde... (lees verder)

Door de waek zörgde pap en mam veur de kuuj en ‘t vèrke en ze woorte op ‘t lank geholpe door ‘t paerd Puk. Einen tractor hadde weej neet. Waal einen hónk, Hektor, 'ne Duitse herder. Dao waas ens emes dae Hektor koeieneerde toen dae aan ‘t aete waas. Nou, det haet dae geweite... Weej hebbe noeëts mei heuve te hellepe, weej ware dao te jónk veur. In zomerdaag lepe weej op zóndig met ós witte sjölkskes rónk. Den kwame d’r minse in de kefee. Op zóndigmórge woort dao gekaart. Vuuel manne hadde kinger beej zich. Die krege chips en limenaad en ginge dök met ós sjpeule. Weej hadde ouch ein klein sjpeultuintje met ein wip, ein sjómmel en ein turnsjtang. De baek waas netuurlik hiel aantrèkkelik veur de kinger oet ‘t dörp...

As ‘t zomer waas, kwaam met good waer bienao iddere waek ein jónk gezin van de Hei. De kinger ginge de sjpeultuin in en ammezeerde zich. Heerlik in de sjuutjes, de wip of op de kerresèl. Hae, ich neum gen name, keek gruuets öm zich haer en maakde met idderein ein präötje. Zeej waas ein geweldig knappe vrouw. Ze zoog d’r prachtig oet, waas fijn broen en good gekleid en had ein geweldig figuurke. As eure man met idderein aan ‘t praote waas, bleef zeej nao de kinger kieke. Den ens ‘t linkerbein euver ‘t rechter, den rechs euver links. Óngertösse zote de Belvendse klante zich te vergape aan die knappe versjiening. Terwiel eur vrouwe in lange rök en moesnylons al dök geprobeerd hadde nao hoes te gaon, bleve die manne pilskes besjtelle. Öm veural niks te heuve misse...

Door de waek waas de kefee allein gesjlaote as de roeëzekrans gebaejd woort. Maar, de klante kwame den gewoeën achteröm. ‘Jóng, zag vader den, zet dich d’r maar efkes beej, baej mei, det ken gen kwaod. Den kriegse d’r dalik waal eine’...

Bovenstaande fragmenten zijn uit het boek ‘Kasteleinskinger vertèlle...’ dat op zondag 5 november om 15.00 uur wordt gepresenteerd bij café Juliana. In het boek zijn de verhalen van de kinderen van de kasteleins die tussen 1955 en 1985 in Belfeld een horecazaak hadden, verzameld door Marijke en Jan Peeters.

Het boek van 100 pagina’s op A4 formaat in harde kaft zal voor €12,50 te koop zijn bij de Marskramer aan het Muldersplein en bij café Juliana aan het Koninginneplein. Wilt u een boek reserveren doe dit dan via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

Evenementen